العبد لا يملك إلا الطاعة في ممالك العفن الكرتونيه.. لماذا لا يندرج تطبيع الإمارات والبحرين تحت بند الخيانة؟؟
هانز خليل
يطالعنا بعض المأجورين والمخدوعين بمحاضرات وتسويق تبريرات عن تطبيع ممالك العفن الكرتونيه مع الكيان الصهيوني وانو شوفو التقدم والازدهار بالإمارات يلي كانو بدو وصارو سويسريين وانتو رافعين شعارات ومن هالقصص المعته!!.
الحقيقه انو الشيء الوحيد يلي نجحت فيه الامارات هو دخول غينيس بمرحاض من الذهب الخالص!. أما ابراجهم فعدا عن انو مافي اماراتي دق مسمار فيها وحتى ساكنيها وشاغلينها من شركات وخلافه مافيهم مواطنين اماراتيين الا فيما ندر والأهم من كل هاد انو الإمارات ماعندها أدنى بنيه تحتيه متل الصرف الصحي مثلاً ويتم نزح الخرا من الأبراج بالصهاريج وكل قاطن بالإمارات بيعرف شو بصير فيها عند أدنى هطول للمطر!!.
ياجماعه دول الخليج قاطبة دول محتله احتلال مباشر وحكامها مو اكتر من نواطير كاز يتم تغييرهم بمجرد اتصال هاتفي متل ماصار مع امير قطر السابق ورئيس وزراءه (بضحك لما بسمع وزراء ورئيس وزراء على خيمتين ونخله)!!.
قصة التطبيع يعني تلفون من مساعد مساعد طرامب لمحمد بن زايد: روح طبٌع ولاك، وركض متل الكلب لحضن نتنياهو!. انتو ليش معتبرين القصه خيانه؟. تنفيذ العبيد لأوامر اسيادهم لايعتبر خيانه لأنو العبد لايملك إلا الطاعه وإلا فعزله وربما نفيه وتجريده من كل درهم ودولار الموجوده اصلاً في بنوك اميركا هو مصيره لو رفض او حتى ماطل!.
قصة مشيخات الخليج ممكن نلخصها انها أراضي احتلتها بريطانيا حتى قبل الحرب العالمية الأولى وقسمتها إلى كانتونات ومشيخات فمثلاً الإمارات هي تجمع لخمس قبائل!. شاءت الأقدار انو تكون منطقة الخليج منبع هائل للثروه النفطيه لهيك زادت عليهم الهيمنه وبأيامها انحسرت سلطة العثمانيين وماكان في قوه يعتمدو عليها بحمايتهم من بعض اكتر من قوى خارجيه إلا بريطانيا وبعد الحرب العالمية الثانية ورثت اميركا تركة فرنسا وبريطانيا المدحورتين من المنطقه بفضل المقاومه يلي تزعمها وقادها جمال عبد الناصر.
الثروه النفطيه الخليجيه عم تنهب اكتر من تلتينها شركات البترول الغربيه والباقي اصلاً عباره عن أرصده في المصارف الغربيه ممنوع يتصرفو بدولار واحد الا بإذن الغرب وأميركا!. إقالة حمدين قطر كان بسبب استثمارات بقيمة 15مليار دولار في انكلترا بدون إذن اميركي!. اما باقي القصه فهو انو ممنوع على كانتونات ومشيخات الخليج إنشاء أي بنيه تحتيه متطوره وصناعه منتجه حتى محاولة استصلاح الأراضي وزراعتها ممنوع منعاً باتاً !!. انتو بتعطونا النفط وكل لوازمكم من عندنا يعني سرقه مضاعفه لذلك بتشوفو انو هبوط اسعار النفط نتيجته كارثيه عليهم لأنو مافي أي مورد تاني!. السعوديه اضطرت ترفع ضريبة القيمه المضافه من 5% الى 15% لأنو فلست وطرامب شفط اموالهم لعشر سنوات قادمه ولسه في هبل بيحكولك برؤية ابن خريان 2032؟؟!.
كلمه اخيره: ياجماعه وصفكم للشعوب الخليجيه بالصهاينه والبدو والبقر والخونه أمر مخزي وغير منطقي ولامقبول ابداً!!. الشعوب مغلوبه على أمرها ولايمكن تسمعولهم صوت ورأي عما يحصل من جلاديهم!. مئات الملايين انفقت السعوديه والامارات على اجهزة تنصت ومراقبه للهواتف ووسائل التواصل الاجتماعي!. المواطن هونيك لايمكن يتنفس مو يعبر عن رأيه، على سبيل المثال كل حرس ابن خريان وابوه وحرس أولاد زايد هم اجانب من شركات امنيه متل بلاك ووتر وغيرها لأنو ماعندهم ثقه بجيشهم ولاشرطتهم ولا اجهزتهم الامنيه ولا شعبهم!!. هالأنظمه من حقها تتصرف بهالطريقه لأنو بقائها على عروشها رهن بحراسة الاميركي وطرامب ماغلط لما قال انو بلا حمايتنا لايمكن تستمرو اسبوعين ادفعوا ياولاد الكلب!!.
لذلك لاحدا يكبٌر قصة تطبيعهم كتير ولو كانو ضامنين رضا شعوبهم كانو من زمااان عملوها ومع ذلك واضح انو الذئب الحامي عم يترنح اليوم وعم يفقد كل يوم السطوه والهيبه وثقو انو انكفائهم اقرب مما نتصور والدليل لاحظو تخبط حلفاء اميركا بين بعضهم وتحدي المانيا للعقوبات على الشركات المشاركه في خط السيل الروسي بالوقت يلي حشدت اميركا كل العالم في 2003 وقت حربها على العراق اليوم عارضتها كل دول العالم في مجلس الأمن حتى حليفتاها المقربتين جداً فرنسا وبريطانيا!!.بل فيكم تقولو انو الضعف وصل لدرجة انو تطبيع مشيخات تافهه متل الإمارات ومبولة البحرين يلي مساحتها تقريبا 765 كم مربع يعتبر رافعه سياسيه لطرامب في الانتخابات القادمه؟؟.
للتذكير بس وتأكيداً لكلامي عن الشعوب الرافضه لسياسات حكامها فهناك حوالي ثلث البحرينيين في السجون وثلث محاصر بقوات سعوديه!!.
ثقو انو نحنا عالطريق الصحيح رغم كل شيء وممالك الكرتون الى زوال وإن غداً لناظره قريب. "لاتستوحشوا طريق الحق لقلة سالكيه"
أقلام حرة الأحد 11 تشرين الأول , 2020 06:25